Pravda Txikia

Esan beharra daukat grazia handia egiten didala hainbeste alderdi politikoen sorrerak. Beharbada, egoera montipythoniano bat ekartzen didalako gogora. Beharbada, ez dudalako jada sistema honetan sinesten eta alderdiak, sistemaren dekadentziaren isla direla iruditzen zait. Ez dakit. Ez dut ideia argirik ere honen inguruan (ezerren inguruan, egia esan). Transizioaren garaira itzuli gara nolabait? Laia bai, Laia ez, Laia agian batera? Ba al dago tokia guztientzat? Ez al dira ein handi batean zenbait pertsonen haserre eta desadostasunaren ondorio, gizarteak behar duena beste planeta batean dagoen bitartean?

Nire sentsazioa baita, alderdi berriak sortu bai, (eta ongi etorriak guztiak zirkora, ziur oso ondo pasako dutela denek) baina ez dagoela benetako proposamen berririk. Gazteleraz esaten den bezala, ez dago eta ez gaude bere zain.

Hor nonbait irakurri dut: txutxeri denda mailako klase politikoa dugu herri honetan.

PS: Sorrera hauetan guzietan, badago nire arreta esnatzen duen beste zerbait: gehien behar dutenean, hastapen hauetan, ez dute Interneten inolako presentziarik.

Orain proiektu baterako behar dudala, faltan botatzen dut Wordpressen euskaratzea. Librezalekoek aspaldi ekin zioten lanari, baina proiektua nahiko etena dagoenaren susmoa dut. Badira aurretik euskaratutako bertsioak, baina Wordpressek 2.5 bertsiotik aurrera sekulako eguneraketa izan zuenez, ez dute ezertarako balio. Nik neuk lagundu nahi nuke, baina Librezaleren Pottle itzulpen zerbitzarian ikusi dut 2.5 bertsioari oso gutxi falta zaiola osatzeko. Zalantzazko 8 esaldi, besterik ez. Eta jadanik 2.6.2 bertsioan kalean du jada Wordpressek.

Esfortzuak merezi duela uste dut.

Nik, labaingarriegia zerbaiten menpe egoteko, indibidualistegia norbaiten atea jotzeko, alferregia zerbaiten parte sentitzeko, nahiago ditut autokudeaketa, autoprodukzioa eta autodidaktika. Beraz, eta onanismoaren bandera altxaz, nire coitus interruptus literarioari (oh, literatura, zer egin dute zure izenarekin?) ekingo diot beste behin, komuneko zulotik bada ere.